Ҳ.ЗАРИФӢ БА ЛОНДОН РАФТ
Душанбе, 28 январ. (АМИТ «Ховар», Наргис Бояхмедова). — Имрӯз дар Лондон бахшида ба проблемаҳои Афғонистон конфронси байналхалқӣ кушода шуд. Вазири корҳои хориҷии ҷумҳурӣ Ҳамрохон Зарифӣ, ки дар Истамбул қарор дошт, барои иштирок дар конфронси мазкур 27 январ ба Лондон рафт. Вазири корҳои хориҷии Тоҷикистон дар Лондон панҷ барномаро ба муҳокимаи иштирокчиёни конфронс пешниҳод менамояд, ки хадафи онҳо мӯътадил сохтани вазъияти Афғонистон ва пешрафти иқтисодиёти он мебошад. Ин барномаҳо сохтмони роҳи оҳанро дар байни Тоҷикистону Туркманистон ба воситаи қаламрави Афғонистон, сохтмони роҳи мошингард ва хати интиқоли газро дар байни Тоҷикистону Туркманистон ба воситаи Афғонистон ва кашидани хати интиқоли барқро аз Тоҷикистон то шаҳрҳои Кобул ва Пешовар пешбинӣ менамоянд. Дар конфронси Лондон се масъалаи асосии сиёсии Афғонистон – таъмини амният, идораи соҳаҳои гуногуни иқтисодиёт, рушди иқтисодӣ ва ба роҳ мондани муносибатҳои минтақавӣ муҳокима карда мешаванд. Бояд гуфт, ки дар аввали соли 2010 бахшида ба Афғонистон ду конфронси байналхалқӣ баргузор гардид. Яке аз онҳо рӯзҳои 25 ва 26 январ дар Истамбул гузаронида шуда, роҳҳои мӯътадил сохтани вазъияти Афғонистонро муҳокима намуд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
