16 НАФАР ҶАРОҲАТИ ҶИСМОНӢ БАРДОШТАНД

                   Душанбе, 19 январ. (АМИТ «Ховар», Жасмин Назарова). – Тибқи иттилои сардори маркази матбуоти БДА подполковник Шерафган Латифов, аз 1 то 17 январи соли ҷорӣ дар шаҳри Душанбе 17 ҳодисаи роҳу нақлиёт ба қайд гирифта шуд. Бар асари он 2 нафар ба ҳалокат расида, 16 нафар ҷароҳати ҷисмонӣ гирифтанд.                     Ҳафтаи сипаришуда ронандаи автомашинаи тамғаи «КIA» Камолиддин Каримов, сокини шаҳри Душанбе ҳангоми ҳаракат бо кӯчаи Борбад пиёдагард Сӯҳроб Силтолиев, сокини пойтахт, корманди Амонатбонкро зада аз пой меафтонад. Дар натиҷа бо гирифтани зарари вазнини ҷисмонӣ дар ҷои ҳодиса ба ҳалокат мерасад. Нисбати ин ҳодиса парвандаи ҷиноӣ боз шуда, тафтишот идома дорад.