БАХСИ ВАЗОРАТИ КИШОВАРЗӢ БО ҲАФТАНОМАИ «МИЛЛАТ»

                 Душанбе, 28 январ. (АМИТ «Ховар», Дилшодаи Ҷонмард).-Тавре ба хабарнигори АМИТ «Ховар» Сардори раёсати растанипарварии вазорати кишоварзӣ С. Баҳриддинов иттилоъ дод, дар шумораи №49 аз 10.12.2009 ҳафтаномаи «Миллат» мақолаеро таҳти унвони «Вазорати кишоварзӣ фасодзадатарин ниҳод» чоп намуда, кормандони соҳаро дар истифодаи ғайримақсаднок ё дуздии беш аз 6 миллион сомонӣ муттаҳам кардааст.                   Вазорати кишоварзӣ ба суди ноҳияи Фирдавсӣ аризаи даъвогӣ пешниҳод намуда, хоҳиш кардааст, ки ҳуҷҷатҳо ва далелҳои асоси ҳуқуқӣ надошта мӯайян ва дар ҳафтаномаи «Миллат» оид ба беасос будани мақола радия чоп карда шавад.                   Ҳамзамон, Вазорати кишоварзӣ аз суд барои беасос чоп шудани мақола аз ҳисоби ҳафтаномаи «Миллат» ҷарима ба маблағи 1 миллион сомонӣ талаб кардааст.