ФУРӮШИ САҲМИЯҲОИ НБО «РОҒУН» ДАР ВИЛОЯТИ СУҒД
Хуҷанд, 11 январ. (АМИТ «Ховар», Санавбар Мақсудова). — Кормандони муассисаҳои молиявии вилояти Суғд муроҷиатномаи Сардори давлат Эмомалӣ Раҳмонро дар бораи тезонидани суръати сохтмони НБО «Роғун» ва харидани саҳмияҳои он ҳамаҷониба дастгирӣ намуданд. Ба қавли сардори раёсати умумии молиявии вилоят Анвар Мирзоев, кормандони муассисаҳои молиявии вилоят то 11 январ саҳмияҳои НБО «Роғун» — ро ба маблағи қариб 300 ҳазор сомонӣ хариданд. «Тоҷикистон мамлакати офтобрӯя аст. Ба сокинони мамлакат илова бар ин гармӣ ва равшании хонадони онҳо зарур мебошад, нерӯгоҳи барқи обии Роғун хонаҳои моро гарму равшан хоҳад кард. Президенти ҷумҳурӣ Эмомалӣ Раҳмон дар муроҷиатномаи худ «тоҷиконро миллати тоҷдор» номида, хитоб мекунад, ки мо бояд проблемаҳои зиндагии худро бо қувваи худ ҳал карда тавонем. НБО «Роғун» сарвати миллии мардуми мамлакат мебошад. Мо ҳатман дар сохтмони ин иншооти азим саҳми арзандаи худро мегузорем», — гуфт А.Мирзоев. Мухбири АМИТ «Ховар» хабар медиҳад, ки то имрӯз дар вилояти Суғд ба маблағи 64 миллиону 379, 7 ҳазор сомонӣ саҳмияҳои НБО «Роғун» фурӯхта шудааст.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
