ИФТИТОҲИ НАМОЯНДАГИИ ДАФТАРИ СОХТОРҲОИ ДЕМОКРАТӢ ВА ҲУҚУҚИ ИНСОН
Душанбе, 19 январ. (АМИТ «Ховар», Наргис Бояхмедова). — 18 январ дар шаҳри Душанбе намояндагии Дафтари сохторҳои демократӣ ва ҳуқуқи инсони Созмони амнияту ҳамкории Аврупо расман кушода шуд. Намояндагони САҲА ҷараёни тайёрӣ ва гузаронидани интихоботи парлумонро дар Тоҷикистон мушоҳида хоҳанд кард. Мухбири АМИТ «Ховар» хабар медиҳад, ки ба намояндагии мазкур 17 коршиноси байналхалқӣ аз 16 мамлакати аъзои CАҲА ва 20 нафари дигар мушоҳидон шомил гардиданд. Ба намояндагии САҲА дар Душанбе Артис Пабрикс роҳбарӣ мекунад. Дар арафаи интихобот 150 нозири дигар ба Тоҷикистон фиристода хоҳад шуд. А.Пабрикс зикр намуд, ки мушоҳидон бо вазири корҳои хориҷии Тоҷикистон Ҳамрохон Зарифӣ ва роҳбарияти Комиссияи марказии интихобот ва раъйпурсии ҷумҳурӣ мулоқот анҷом доданд. Хулосаи аввалини кормандони намояндагӣ рӯзи дуюми баъди интихобот пешниҳод карда мешаванд. Ҳисоботи муфассали он баъди гузаштани интихобот дар давоми ду моҳ чоп карда хоҳад шуд, гуфт А.Пабрикс.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
