МАОРИФ ВА ТИБ ДАР МАРКАЗИ ДИҚҚАТИ ҲУКУМАТИ ҶУМҲУРӢ

                 Душанбе, 11 январ. (АМИТ «Ховар», Лаззат Диловарзод).- Аз моҳи январи соли 2010 сар карда, суръати сохтмони мактабҳои нотамом дар тамоми қаламрави ҷумҳурӣ беҳтар мегардад.                   Боис ба ёдоварист, ки дар моҳҳои январ – ноябри соли 2009 дар ҳудуди шаҳру вилоятҳои ҷумхурӣ барои 18 ҳазору 10 ҷои нишаст мактабҳои таҳсилоти умумӣ, аз ҷумла дар ВМКБ барои 1300 хонанда, дар вилояти Хатлон барои – 7937, вилояти Суғд – 6349, шаҳри Душанбе – 624, шаҳри Роғун барои 186 нафар хонанда, ва дар ноҳияҳои Ваҳдату Рӯдакӣ мутаносибан – 624 ва 990 ҷои нишаст мактабҳо сохта ба истифода дода шуданд, — иброз доштанд дар Вазорати маорифи ҷумҳурӣ ба мухбири АМИТ «Ховар».                    Дар ин давра — (январ – ноябри соли 2009), ҳамчунин барои 470 ҷои қабул дар як баст дармонгоҳ сохта шудааст, ки аз он 90 ҷой дар вилояти Суғд ва 380 ҷой дар вилояти Хатлон мебошанд.