МУЛОҚОТ БО САФИРИ ФАРОНСА
Душанбе, 16 январ. (АМИТ «Ховар», Наталя Михайлова). — Раиси Суди конститутсионии ҷумҳурӣ, академик Маҳкам Маҳмудов ва муовини ӯ Мустафо Назаров чанд рӯз пеш бо сафири Фаронса дар Тоҷикистон Анри Зиппер де Фабиани мулоқот анҷом доданд. М.Маҳмудов дар оғози мулоқот ба сафири Фаронса барои ташрифаш ба Суди конститутсионӣ дар иди Соли нав изҳори сипос намуда, дар бораи вазифаҳо, ҳадафҳо, ваколат ва фаъолияти Суди конститутсионӣ маълумоти муфассал дод. Сафири Фаронса дар бораи баъзе хусусиятҳои фарқкунандаи Шӯрои конститутсионии Фаронса сухан ронд, ки бештар аз 200 сол боз фаъолият дорад. Вай зикр намуд, ки нақши Шӯрои конститутсионӣ дар Фаронса дар бобати ҷорӣ намудани принсипҳои демократии давлатдорӣ бо назардошти вазифаҳои ҳифзи Қонуни асосӣ ва таъмини волоияти он ниҳоят бузург мебошад. Сафир Шӯрои конститутсиониро «қалби демократия» номид. Президенти Фаронса пеш аз имзои ҳар гуна қонун боварӣ ҳосил мекунад, ки онҳо дар Шӯрои конститутсионӣ муҳокима шудаанд ё не, гуфт сафир. Дар суди конститутсиононӣ бояд одамони оқилу хирадманд, мутахассисони варзида ва олимон кор кунанд. Мусоҳибон дар фарҷоми сӯҳбат паймон карданд, ки ҳамкориро дар оянда низ давом хоҳанд дод.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
