МУНОСИБАТИ «ПОМИР ЭНЕРҶӢ» БО МУШТАРИЁН

                      Бадахшон, 18 январ. (АМИТ «Ховар», Л. Додо).- Сокинони ВМКБ дар фасли зимистон бо гармӣ таъминанд ва дар ин кор саҳми ширкати «ПомирЭнерҷи» кам нест. Ҳамзамон саҳми муштариён дар беҳдошти вазъи таъминот бо қувваи барқ на ҳамеша мушоҳида мешавад,- мегӯяд садри дафтари матбуоти ширкат Абдуллоҳи Амонбек. Агар аҳолӣ дар ин масъала масъулиятро комилан ба дӯш гирад, хизматрасонии ширкат беҳтар мегардад. Муттаассифона, қарздории дебиторӣ дар миқёси вилоят беш аз 3 миллону 500 ҳазор сомонӣ мебошад. 2 миллиону 483 ҳазор аҳолӣ, 834 ҳазору муассисоти тиҷоратӣ ва 154 ҳазор сомониро идороту муассисоти буҷавӣ напардохтаанд.