ПЕШБАРИИ НОМЗАДҲО БА ОХИР РАСИД
Душанбе, 16 январ. (АМИТ «Ховар», Наталя Михайлова). — Аз Комиссияи марказии интихобот ва раъйпурсии ҷумҳурӣ ба АМИТ «Ховар» хабар доданд, ки 15 январ пешбарии номзадҳои вакилони Маҷлиси намояндагони Маҷлиси олии мамлакат аз ҳавзаҳои якмандатӣ ба охир расид. Аз ҳамаи ҳизбҳои сиёсии мамлакат дар 41 ҳавзаи якмандатӣ 169 номзад пешбарӣ карда шуд. Дар интихоботи имсола бештар аз 250 номзад барои ба даст овардани 63 ҷой дар палатаи поёнии парлумон мубориза мебаранд. Ин нисбат ба интихоботи соли 2005 ду баробар зиёд мебошад. Бояд гуфт, ки қисми зиёди вакилон аз ҳавзаҳои якмандатӣ пешбарӣ шудаанд. Ҳамаи 8 ҳизби сиёсии бақайдгирифташуда номзадҳояшонро ба вакили Маҷлиси намояндагон пешбарӣ карданд. Шумораи номзадҳои Ҳизби халқии демократӣ ва Ҳизби наҳзати исломӣ аз ҳама бештар мебошад. Ҳар кадоми ин ҳизбҳо 22 нафарӣ номзад пешбарӣ карданд. То 16 январ рӯихати номзадҳои вакилон тайёр карда, баъдан то 8 феврал ҳуҷҷатҳои онҳо омӯхта мешаванд. Дар ин муддат номзадҳо ҳуқуқ доранд, ки дар мавриди розӣ набуданашон ба қарори комиссия аз болои он шикоят кунанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
