РОҲБАРИ ШС «БАРҚИ ТОҶИК» ИВАЗ ШУД

Январь 19, 2010 14:03

                  Душанбе, 19 январ. (АМИТ «Ховар», Наталя Михайлова). — Имрӯз, 19 январ бо қарори Ҳукумати ҷумҳурӣ раиси Ширкати саҳҳомии «Барқи тоҷик» Санъат Раҳимов аз вазифа сабукдӯш карда шуд.                     Ба ҷои ӯ мудири шӯъбаи саноат ва энергетикаи Дастгоҳи иҷроияи Президенти мамлакат, вазири собиқи энергетикаи ҷумҳурӣ, номзади илмҳои техникӣ Абдулло Ёров раиси ширкати саҳҳомии «Барқи тоҷик» таъин гардид.                    Абдулло Ёров 20 ноябри соли 1952 дар ноҳияи Норак таваллуд шуда, соли 1975 Донишкадаи политехникии Душанберо бо ихтисоси муҳандиси соҳаи энергетика хатм кардааст. Ӯ аз соли 1977 то соли 1987 дар Нерӯгоҳи барқи обии Норак аввал муҳандис, муҳандиси калон, устои калон ва баъд раиси иттифоқи касаба шуда кор кардааст. А.Ёров аз соли 1978 то соли 1990 аввал корманд, баъд мудири шӯъбаи Ҳукумати ноҳияи Норак, соли 1990 муовини раиси ҳукумати ҳамин ноҳия, аз соли 1990 то соли 2000 директори НБО «Норак» буд. Мавсуф аз соли 2000 то соли 2004 дар вазифаҳои вазири энергетикаи Тоҷикистон, аз соли 2004 то соли 2006 муовини вазири энергетика ва боз аз соли 2006 то мудири шӯъбаи саноат ва энергетикаи Дастгоҳи иҷроияи Президенти мамлакат таъин шуданаш дар вазифаи вазири энергетикаи ҷумҳурӣ кор кардааст.

Январь 19, 2010 14:03

Хабарҳои дигари ин бахш

Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест