ТАНОСУБИ ГАРДИШИ МОЛ ДАР СОЛИ 2009

                 Душанбе, 11 январ. (АМИТ «Ховар», Лаззат Диловарзод).- Таносуби гардиши мол дар сектори савдои ғайридавлатӣ дар моҳҳои январ – ноябри соли 2009 – ум 98,8 фоизи ҳаҷми умумиро ташкил дод. Ҳаҷми умумии гардиши мол дар савдои чаканаи бозорҳо ва дигар сохторҳои тиҷоратӣ 4730,7 млн. сомонӣ ба ҳисоб гирифта шудааст.                  Аз он ҷумла фуруши мол дар бозорҳои озуқаворӣ ва ашёи омехтаи ҷумҳурӣ 2670,6 млн. сомонӣ ё ба андозаи 54,7 фоизи ҳаҷми умумии гардиши молро ташкил дод.                   Дар ин давра ба маблағи 509,1 млн. сомонӣ чорвои зинда, 206,6 млн. сомонӣ автомобилҳои боркаш ва сабукрав, 420,0 млн. сомонӣ махсулоти нафтӣ ва ба маблағи 924, 4 млн. сомонӣ дигар молҳо фурӯхта шуданд.