Ю. ПОПОВ: «ФАЪОЛИЯТИ ХУДРО БАРОИ ТАҲКИМИ РОБИТАҲО РАВОНА МЕСОЗАМ»
Душанбе, 21 январ.(АМИТ «Ховар», Марзия Саидова).- Тақвияти ҳамкориҳои мутақобилан судманди Тоҷикистону Русия зимни мулоқоти Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев бо Сафири фавқулодда ва мухтори Федератсияи Русия дар Ҷумҳурии Тоҷикистон Юрий Попов баррасӣ гардиданд. М. Убайдуллоев дар сӯҳбат бо Сафири Русия дар Тоҷикистон гуфт, «аз он мутмаинам, ки бо шурӯъ намудани фаъолияти дипломатии шумо дар Тоҷикистон сатҳи ҳамкориҳои дӯстонаву гуногунсоҳаи Тоҷикистону Русия, ки аз қаъри асрҳо сарчашма мегиранд, тақвият хоҳанд ёфт». Мусоҳибон муносибатҳои байнипарлумонӣ ва таҳкими фазои ҳуқуқии робитаҳои ҳар ду кишварро баррасӣ намуданд. Зикр шуд, ки табодули таҷрибаҳо дар асоси институти Форуми байнипарлумонии Тоҷикистону Русия: Нерӯи ҳамкориҳои байниминтақавӣ ва фаъолияти гурӯҳи дӯстии байнипарлумонӣ, ки ҳамчун падидаи нав дар низоми парламентаризми кишварҳо нақши муассир гузоштааст дар сатҳи густурда роҳандозӣ мегарданд. Дар мулоқот ҳамчунин масъалаҳои марбут ба таҳкими ҳамкориҳои иктисодию тиҷоратии Тоҷикистону Русия, хусусан ҳифзи ҳуқуқҳои муҳоҷирони меҳнатии тоҷик дар ин кишвар баррасӣ гардиданд. Дар навбати худ Сафири Федератсияи Русия дар Тоҷикистон Юрий Попов иброз дошт, ки зимни фаъолияти дипломатиаш барои рушди муносибатҳои мутақобилан судманди Тоҷикистону Русия тамоми потенсиали хешро сафарбар месозад.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
