ҶАРАЁНИ ОВОЗДИҲӢ ДАР НОҲИЯИ ФИРДАВСӢ
Душанбе, 28 феврал. (АМИТ «Ховар», Людмила Дубинина). — Раиси қитъаи овоздиҳии рақами 11/13 ноҳияи Фирдавсӣ, директори мактаби миёнаи №58 Саидалӣ Қурбонов ба мухбири АМИТ «Ховар» хабар дод, ки то соати 10 дар ин ҷо 20 фоизи интихобкунандагон овоз доданд. Дар қитъаи интихоботии мазкур 1556 нафар ба қайд гирифта шудааст. Аъзои комиссияи интихобот қабл аз кушода шудани қитъаи интихоботӣ аввалин шуда овоз доданд. Баъди онҳо соати 6 – и субҳ сокини кӯҳансолтарини маҳалла – пирамарди 70 – сола ба қитъаи интихоботӣ омад. Инчунин яке аз аввалинҳо шуда, 64 нафар ҷавонон овоз доданд. С.Қурбонов зикр намуд, ки дар ҳудуди қитъаи овоздиҳӣ 27 нафар шахси солхӯрдаю бемор ва маъюб зиндагӣ мекунад. Аъзои комиссия қуттиҳои овоздиҳиро ба хонаи онҳо бурданд. Намояндагони мақомоти иҷроияи ҳокимияти давлатӣ, ҳизбҳои сиёсӣ ва нозирони байналмилалӣ ба қитъаи овоздиҳӣ омада, ба ҷараёни иштироки интихобкунандагон баҳои хуб доданд. То ин лаҳза дар ҷараёни овоздиҳӣ ягон камбудӣ мушоҳида нашудааст, гуфт С.Қурбонов.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
