ХАЗИНАЧИИ АЗ БОВАРӢ БАРОМАДА

Душанбе, 8 феврал. (АМИТ «Ховар», Лаззат Диловарзод).- Ҳангоми гузаронидани санҷиши ногаҳонии бастаҳои пули нақд дар фонди захиравии саридораи ҶСК «Агроинвестбонк» муайян карда шуд, ки мудири хазинаи воридотии шӯъбаи хизматрасонии хазинавии идораи амалиётии Мудирияти амалиётҳои бонкӣ ва хизматрасонии ҶСК «Агроинвестбонк» Фахриддин Ёров  дар давраи фаъолияти кориаш моҳи феврали соли 2009 бо истифода аз ваколати  мансабиаш, бо роҳи сохтакории ҳуҷҷатҳо  маблағҳои хазинаи бонкро, ки 376 ҳазору 780 доллари амрикоиро ташкил додааст аз они худ намудааст. Шӯъбаи тафтишоти Агентии НДМ ва мубориза бо коррупсия бо моддаи 245 қ.4  (азонихудкунӣ ё исрофкорӣ) – и КҶҶТ нисбати кирдори Ф, Ёров парвандаи ҷиноӣ кушода, тафтишот мебаранд.