МУБТАЛОЁНИ ЗУКОМИ ХУК ТАБОБАТ ЁФТАНД

Душанбе, 18 феврал (АМИТ «Ховар», Лаззат Диловарзод).- Бино ба гуфти сардори Раёсати назорати давлатии санитарию эпидеми ологии Вазорати тандурустии Ҷумҳурии Тоҷикистон Наврӯз Ҷафаров, дар давоми якуним моҳи соли 2010 бемории зукоми хук ба қайд гирифта нашудааст. Боис ба ёдоварист, ки соли 2009 дар Ҷумҳурии Тоҷикистон ҳамагӣ 19 нафар одамон мубталои   бемории зукоми хук шуданд, ки аз онҳо 9 нафарашонро шаҳрвандони хориҷӣ, ки вориди Тоҷикистон шуда буданд, ташкил доданд. Тибқи маълумоти ҳамин манбаъ, ба лабораторияи ВОЗ (ташкилоти умумиҷаҳонии тандурустӣ), ки дар Лондон мебошад, беш аз 400 ташхиси лабараторӣ аз Ҷумҳурии Тоҷикистон барои санҷиши такрорӣ фиристода шудааст, ки дар он факти мавҷуд будани вируси бемории зукоми  хук тасдиқи худро наёфт.