МУСОБИҚАИ ФУТБОЛБОЗОН

Душанбе,  2 феврал. (АМИТ «Ховар»,  Пайрав  Назаров). —   5  феврал  дар  Тоҷикистон  барои  поси  хотири  футболбози  нахустини  тоҷик  Рустам  Долтабоев  мусобиқаи  анъанавии дастаҳои  футбол  оғоз  меёбад. Аз  Федератсияи  футболи  ҷумҳурӣ  ба  АМИТ «Ховар»  хабар  доданд, ки  мусобиқаи   мазкур дар  ду  давр гузаронида  мешавад.  Даври  аввали мусобиқа дар  вилоятҳои  Суғду  Хатлон    ва   шаҳри  Душанбе  ва  даври  хотимавии он  дар  пойтахти  мамлакат   баргузор  мегардад. Дар  мусобиқа   шаш  дастаи  футболбозон – ЦСКА «Помир»,  «Энергетик», Мактаби  ҷумҳуриявии  маҳорати  олии  варзишӣ,   «Регар – Тадаз», «Ҷавонон» ва дастаи  футболи  «Хайр»  аз  ноҳияи  Ваҳдат  ширкат  меварзанд. Мухбири  АМИТ «Ховар»  хабар  медиҳад, ки  қувваозмоиҳои хотимавии  мусобиқа  8  март  гузаронида  мешаванд.