НОЗИРОНИ БАЙНАЛМИЛАЛӢ АЗ РАФТИ ИНТИХОБОТ МУШОҲИДА МЕБАРАНД

             Душанбе, 28 феврал. (АМИТ «Ховар», Жасмин Назарова). — Субҳи имрӯз дар участкаи интихоботии рақами 2 ҳавзаи 4 ноҳияи Фирдавсӣ, воқеъ дар бинои мактаби таҳсилоти ҳамагонии рақами 28 шаҳри Душанбе интихоби вакилон ба Маҷлиси намояндагони Маҷлиси Олии Ҷумҳурии Тоҷикистон ва мақомоти маҳалии вакилони халқ оғоз ёфт.            Тавре ба мухбири АМИТ «Ховар» раиси участкаи интихоботӣ Оксана Забалуева иттилоъ дод, дар участкаи мазкур 1 780 интихобкунанда ба қайд гирифта шудаанд. То соати 10:30 — 350 нафар интихобкунанда ба участкаи интихоботӣ ҳозир шуда ба тарафдории номзадҳои арзанда овози худро доданд.          Ҳамчунин, аз рафти интихобот дар участкаи номбурда нозирони байналмилалӣ Василий Лигай (ИДМ), Ратнер Айрин (ИМА), Лариш Лойберг (Норвегия), Джерри Шкрер ва Наталия Лелер (сафорати ИМА дар Тоҷикистон) назорат бурда, ягон қонуншиканӣ ва камбудӣ дар кори участкаи интихоботӣ мушоҳида накарданд.             Интихобот дар участкаи мазкур то соати 20 идома меёбад.