ОМӮЗГОРИ ҚАЛЛОБ ДАР ДОНИШГОҲ

Душанбе, 10 феврал. (АМИТ «Ховар», Лаззат Диловарзод).- Омӯзгори   Донишгоҳи Давлатии шаҳри Хуҷанд Абдусамад Эрмухамедов моҳи июли соли 2009 бо мақсади ба даст овардани даромади муфт ба боварии ду шаҳрванд даромада   барои ба шӯъбаи ғоибонаи факултаи методикаи донишгоҳи мазкур дохил шуданашон  550 доллари амрикоӣ гирифта, онҳоро башӯъбаи ғоибона дохил карда натавонистааст. Рӯзи 14 –уми январи соли 2010  А. Эрмухамедов дар аснои баргардонидани  маблағҳои бо роҳи қаллобӣ ба даст овардааш дар рӯ ба рӯи мағозаи «Авесто» — и шаҳри Хуҷанд аз тарафи кормандони Раёсати Агентии НДМ ва коррупсия дар вилояти Суғд буда дастгир шудааст. Нисбати А. Эрмухамедов бо моддаи 247 қ.3 «қаллобӣ» парвандаи ҷиноятӣ оғоз карда,   раёсати мазкур тафтишот мебаранд.