ЖУРНАЛИСТОН ҚОИДАҲОИ ИНЪИКОСИ ҶАРАЁНИ ИНТИХОБОТРО МЕОМӮЗАНД

Хуҷанд, 16  феврал. (АМИТ «Ховар», Сановбар  Мақсудова). – 12 – 13  феврал  дар  бинои  Донишгоҳи давлатии  Хуҷанд ба  номи  Б.Ғафуров бо  кӯмаки   Бунёди Фридрих  Эберти  Олмон,  Дастгоҳи  иҷроияи  Президенти  Ҷумҳурии  Тоҷикистон  ва  Раёсати   хизмати давлатии  назди  Президенти  Ҷумҳурии Тоҷикистон  барои  кормандони  воситаҳои  ахбори оммавӣ   дар  мавзӯи  «Воситаҳои  ахбори оммавӣ,  ҳуқуқ ва  иштироки  шаҳрвандон  дар   ҳаёти  сиёсӣ  ва  идораи  давлат»  семинар   баргузор  гардид. Дар  он   сардори раёсати  хизмати  давлатии  назди  Президенти  Ҷумҳурии  Тоҷикистон  Ҷумъахон  Сафаров,  мудири  шӯъбаи  ҳуқуқи  Дастгоҳи  иҷроияи  Президенти  ҷумҳурӣ Дӯстмурод  Муродов,  сардори  раёсати   хизмати  давлатии   назди  Президенти  ҷумҳурӣ Ҷумъахон  Давлатов,  мутахассиси  пешбари  шӯъбаи  таҳлилию  иттилоотии  Дастгоҳи  иҷроияи  Президент Маҳмудхон  Сараев,  роҳбари   дастгоҳи   марказии  Комиссияи  Марказии  интихобот  ва  раъйпурсии  ҷумҳурӣ  Муҳибулло  Додоҷонов,  муовини  аввали  раиси  Кумитаи  телевизион  ва радиои   назди  Ҳукумати  ҷумҳурӣ,  роҳбари  дафтари  матбуоти  Комиссияи  м арказии  интихобот  ва  раъйпурсии  ҷумҳурӣ  Абдураҳмон  Абдуманнонов, роҳбари  намояндагии  Бунёди Фридрих  Эберт  дар  Тоҷикистон Рустам  Ҳайдаров ва  дигарон  сухан  карданд. Онҳо  дар  бораи қонунҳои  Ҷумҳурии  Тоҷикистон  роҷеъ ба  интихобот,  фаъолияти  Комиссияи  марказии  интихобот  ва  раъйпурсӣ,  масъулияти  журналистон ва  воситаҳои  ахбори оммавӣ дар  бобати  инъикоси  ҷараёни  интихобот  ва тайёрӣ ба  он  изҳори  ақида  намуданд.