«АМОНАТБОНК»: БА МАБЛАҒИ ЗИЁДА АЗ 418 МИЛЛИОН СОМОНӢ САҲМИЯҲО ФУРӮХТА ШУД
Душанбе, 26 март. (АМИТ «Ховар», Покиза Махмадбекова). — Аз нахустин рўзи ҷойгиркунӣ ва ба фурӯш баровардани саҳмияҳои мазкур то имрӯз, тамоми бахшу шўъба ва оҷонсиҳои Бонки давлатии амонатгузории Ҷумҳурии Тоҷикистон «Амонатбонк» барои фурўши саҳмияҳо кулли имкониятҳои худро баҳри дар сатҳи зарурӣ ба роҳ мондани чорабинии номбурда, сарф менамоянд. Тавре ба мухбири АМИТ «Ховар» аз хадамоти матбуоти «Амонатбонк» иттилоъ доданд, бо супориши роҳбарияти бонки мазкур дар рӯзҳои ҷашнгирии Иди байналмиллалии Наврӯз, дар аксари навоҳию шаҳр ва марказҳои вилоятҳо, дар ҷойҳои баргузории ҷашнҳо нуқтаҳои фурӯш ташкил гардида, фурӯши саҳмияҳои «НБО Роғун» ба роҳ монда шуда буд. Мувофиқи маълумоти «Амонатбонк» то 25 марти соли 2010 тавассути муассисаҳои бонки мазкур ба маблағи 418 миллиону 621 ҳазору 300 сомонӣ саҳмияҳо фурӯхта шуда, ба суратҳисобҳои дар Вазорати молияи ҶТ будаи ҶСК «НБО Роғун» ирсол гардиданд. Фурӯши саҳмияҳо дар муассисаҳои бонк ҳамаҷониба идома ёфта, роҳбарият ва мутахассисин баҳри боз ҳам дар сатҳи баландтар доир намудани чорабинии мазкур, кўшишу заҳмати зиёд ба харҷ медиҳанд.
ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ. Амнияту субот омили асосии рушди устувори давлатҳо ва зиндагии шоистаи инсоният ба ҳисоб меравад
Имрӯз дар шаҳри Душанбе ҳаво то 37 дараҷа гарм мешавад
13 июл дар якчанд вазорату идора нишасти матбуотӣ баргузор мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
