ИСТИФОДАИ САМАРАНОКИ ГАРМХОНАҲО

Душанбе, 26 март. (АМИТ «Ховар», Лаззат Диловарзод).- Бино ба иттилои Раёсати растанипарварии Вазорати кишоварзии ҷумҳурӣ, то 20 – уми марти соли ҷорӣ аз гармхонаҳои ҷумҳурӣ 70,4 тонна помидор, 110,6 тонна бодиринг ва дигар зироатҳо ҷамъоврӣ  карда шудааст. Истеҳсоли сабзавоти гармхонаҳо дар вилояти Суғд то 20 – уми март ба 79 тонна расонида шудааст, ки аз ин 33 тоннааш   помидор ва  45 тоннаашро бодиринг ташкил медиҳад. Дар вилояти Хатлон бошад, аз гармхонаҳо то 20 – уми март 50 тонна помидор ва 80 тонна бодиринг ҷамъоварӣ  карда шудааст, ки ин нисбат ба ҳамин давраи соли гузашта хеле зиёд аст.