КУШТОРИ ҒАЙРИЧАШМДОШТ

Душанбе, 26 март. (АМИТ «Ховар», Жасмин Назарова). – Рӯзи 25 марти соли равон дар ҳавлии шахсии Ҷурахон Аҳмедови 69 сола, истиқоматкунандаи ҷамоати Россияи ноҳияи Рӯдакӣ куштори ғайричашмдошт ба амал омад. Тавре ба хабарнигори АМИТ «Ховар» аз дафтари матбуоти ВКД ҶТ иттилоъ доданд, Юсуфҷон Аҳмедови 10 сола аз болои боми хона милтиқи шикории К-16 — ро ёфта, ҳангоми бозӣ кардан аз беэҳтиётӣ ба сӯи Аҳмадҷон Қаюмови  хурдсол тир холӣ мекунад. Дар натиҷа аз гирифтани ҷароҳати вазнин А. Қаюмов дар ҷои ҳодиса ба ҳалокат мерасад. Инчунин аз ҷои ҳодиса кормандони шӯъбаи корҳои дохилии ноҳияи мазкур як адад камони шикории қутраш 16 силсиларо дарёфт ва мусодира намуданд.  Нисбати ин ҳодиса парвандаи ҷиноӣ оғоз шуда, тафтишоташ идома дорад.