КВАРТИРАҲОИ ОСЕБДИДА ТАЪМИР КАРДА МЕШАВАНД

Душанбе, 2 март.(АМИТ «Ховар», Марзия Саидова).- Раиси шаҳри Душанбе Маҳмадсаид Убайдуллоев қарор ба имзо расонд. Тибқи он барои таъмири  квартираҳои осебдидаи  бинои истиқоматии №37/1, воқеъ дар хиёбони Саъдии Шерозӣ-и пойтахт комиссияи тендерӣ таъсис дода мешавад. Дар асоси ин қарор раёсати сохтмони асосии шаҳри Душанбе ҳамчун фармоишгари иншооти мазкур вазифадор карда шудааст, ки тибқи талаботи санадҳои меъёрии ҳуқуқии амалкунанда ҳуҷҷатҳои заруриро барои гузаронидани тендер омода ва ба Комиссияи тендерӣ пешниҳод созад. Инчунин, тибқи ин қарор Сарраёсати молияи  шаҳри Душанбе муввазаф шудааст, ки аз ҳисоби маблағҳои ба раёсати мазкур  пешбинишуда барои таъмири квартираҳои  осебдидаи № 42, 44 ва 45-и бинои истиқоматии №37/1 воқеъ дар хиёбони С. Шерозӣ-и ноҳияи Синои пойтахт ба унвонии Раиси шаҳр Душанбе пешниҳод ирсол созад.