МУНШИИ УМУМИИ СММ БА ТОҶИКИСТОН МЕОЯД

Душанбе,  30 март. (АМИТ «Ховар», Фарангис  Раҳимова). – Муншии  умумии  СММ Пан Ги  Мун баъди  чошти 5  апрел  барои  боздид  ба  Тоҷикистон ташриф  меорад. Роҳбари  раёсати иттилооти Вазорати  корҳои  хориҷии  ҷумҳурӣ  Давлат  Назриев ба  АМИТ «Ховар»  хабар  дод, ки  ҳамон рӯз  мулоқоти  Муншии  умумии  СММ  бо  Президенти  Тоҷикистон  Эмомалӣ  Раҳмон  ба  нақша  гирифта шудааст. Зимни  мулоқот  масъалаҳои  марбут ба  ҳамкории мамлакатҳои  минтақа,  муҳити  зист  ва  иҷтимоию  иқтисодӣ  баррасӣ  карда  мешаванд. Тибқи  нақша,  Пан  Ги  Мун  6  апрел  бо  ҷараёни  сохтмони  нерӯгоҳҳои  барқӣ  дар  дарёи  Вахш  шинос    шуда, ҳамон рӯз  аз  Душанбе  ба  Қазоқистон  хоҳад  рафт.