ПРЕЗИДЕНТИ ТОҶИКИСТОН БА ЭРОН МЕРАВАД

Душанбе,  17 март. (АМИТ «Ховар», Фарангис  Раҳимова). —  Иди байналхалқии  Наврӯз  имсол  28  март  дар  шаҳрҳои  Теҳрон  ва  Шероз  таҷлил  карда  мешавад. Аз  дафтари  матбуоти  Вазорати  корҳои  хориҷӣ ба  АМИТ «Ховар»  хабар  доданд, ки  Президенти  Тоҷикистон  Эмомалӣ  Раҳмон  барои  иштирок   дар  тантанаҳои   идонаи   Рӯзи  байналмилалии  Наврӯз  27  март  ба  Эрон хоҳад  рафт. Тавре  хабар  дода шуда буд,  дар  иҷлосияи  64 – уми  Маҷмаи  кулли  СММ бо  аксарияти  овозҳо дар  бораи   таҷлили  Рӯзи  байналмилалии  Наврӯз  қатънома  қабул   карда шуда буд.  Лоиҳаи қатъномаи  мазкурро Тоҷикистон  ҳамроҳи  намояндагони Озарбойҷон,  Афғонистон, Қазоқистон, Қирғизистон, Эрон,  Туркманистон ва  Туркия  таҳия  намуда,  ба  Маҷмаи  кулли  СММ  пешниҳод  карда буд.