ТАҲИЯИ СТРАТЕГИИ РУШДИ СОҲАИ НАССОҶӢ ВА ДӮЗАНДАГӢ

Душанбе, 30 март.(АМИТ «Ховар», Марзия Саидова).- «Таҳияи стротегии рушд барои пешрафти соҳаи нассоҷӣ ва дӯзандагии Тоҷикистон ва омодасозии нақшаҳои татбиқи он», таҳти чунин унвон 30 март дар Душанбе семинари омӯзишии дурӯза ба кори худ шурӯъ кард. Ин чорабинӣ бо иқдоми Маркази байналмилалии тиҷорат (МБТ) ва бо кӯмаки молии идораи давлатии Швейтсария дар умури иқтисод (СЕКО) доир карда мешавад. Раҳбари дафтари Маркази байнулмилалии тиҷорат дар Тоҷикистон Сайидмуъмин Камолов дар сӯҳбат ба хабарнигори АМИТ «Ховар» гуфт, ки дар семинар намояндагони ниҳодҳои давлатӣ, раҳбарони корхонаҳои саноатӣ ва ширкатҳои хизматрасон, тарроҳони ботаҷриба ва донишмандони соҳа иштирок доранд. Ян Сайерс, мушовири калони МБТ, илова мекунад, ки “масъулони соҳаи нассоҷӣ ва дӯзандагӣ бо истифода аз таҷрибаи андӯхта дар сафари ахирашон ба намоишгоҳҳои байналмилалии Париж, нақшаҳои рӯидастгирии иқдомҳоеро, ки дар даврҳои қаблӣ таҳия карда буданд, тақвият бахшида, ба як стротегияи рушд табдил хоҳанд дод”. Дар ҷараёни семинар мушовири байналмилалии МБТ дар масоили нассоҷӣ Раҷеш Бҳеда доир ба мутобиқшудан ба талаботи нави бозорҳои ҷаҳонӣ ба иштирокдорони семинар машварат медиҳад.