14 СӮХТОР ДАР ЯК ҲАФТА

Душанбе, 26 апрел. (АМИТ «Ховар», Жасмин Назарова). – Ҳафтаи сипаришуда дар миқёси ҷумҳурӣ 14 ҳодисаи сӯхтор,  бо хисороти молии умумии 15 ҳазору 360 сомонӣ ва масоҳати 216 метри мураббаъ ба қайд гирифта шуд. Тавре аз дафтари матбуоти Сарраёсати хадамоти давлатии оташнишонии ВКД ҶТ иттилоъ доданд, аз ҷумла чунин ҳодиса бинобар сабаби расиши кӯтоҳи ноқилҳои барқӣ дар манзили истиқоматии шаҳрванд Мирсаид Исломови 51 — сола, сокини деҳаи Саримазори шаҳри Истаравшани вилояти Суғд рух дод. Дар натиҷа болопӯш ва шифти хона қисман сӯхта, молу амвол дар масоҳати 62 метри мураббаъ зарар дидаанд. Сабаб ва зарари сӯхтор муайян карда мешавад.