АССОТСИАТСИЯИ ОБИСТИФОДАБАРАНДАГОН ТАЪСИС ЁФТ

Душанбе, 9 апрел. (АМИТ «Ховар», Лаззат Диловарзод).- Дар ҷумҳурӣ 191 адад Ассотсиатсияҳои обистифодабарандагон созмон дода шудааст. Тибқи маълумоти Вазорати мелиоратсия ва захираҳои об,  Ассотсиатсияҳои обистифодабарандагон ба зиёда аз  200 ҳазор гектар заминҳои обӣ хизмат мерасонанд. Ассотсиатсияҳо аз ҷониби идораҳои давлатии хоҷагии об кӯмаки методӣ ва машваратҳои дастурдиҳӣ мегиранд. Яке аз норасоии кори ассотсиатсияҳо дар он аст, ки бо сабаби пардохт нагардидани ҳаққи хизмати обрасонӣ таъмири дастгоҳҳои обкаширо сари вақт анҷом дода наметавонанд. Дар ҷумҳурӣ 225 ҳазор гектар замин тавассути пойгоҳҳои обкашӣ обёрӣ карда мешаванд.