КОМИССИЯИ БОНКИ ҶАҲОНӢ БА ТОҶИКИСТОН МЕОЯД

Душанбе, 5 апрел. (АМИТ «Ховар», Лаззат Диловарзод).- Аз  20 – ум то 27 – уми апрели соли 2010 комиссияи махсус  ташкил додаи Бонки Ҷаҳонӣ барои ташхиси техникӣ ба майдони сохтмони НОБ – и «Роғун» ташриф меорад. Дар ҳайати комиссияи махсуси Бонки Ҷаҳонӣ мутахассисони варзида оид ба сохтмони нерӯгоҳҳои калонтарини ҷаҳонӣ    шомил карда мешаванд. Моҳи апрел ҳамчунин  дар назар аст, ки  ноиби президенти  Бонки Ҷаҳонӣ оид ба минтақаи Аврупо ва Осиёи Марказӣ Филипп Ле Уэйру   бо мушовири Институти ҳифзи механизми Бонки Ҷаҳонӣ Стефан Линтер тамоми ҳавзаҳои дарёҳои ҳамсарҳади  кишварҳои поёнобро барои муҳокимаи масъалаи иштироки коршиносони байналмилалӣ оид ба тадқиқот дида бароянд. -Маблағгузории Бонки Ҷаҳонӣ оид ба сохтмони лоиҳаҳои энергетикӣ дар Тоҷикистон ва дигар давлатҳои Осиёи Марказӣ аз натиҷаи ташхиси коршиносон вобастааст,- иброз доштааст Филипп Ле Уэйр.