МАҶАЛЛАИ НАВ

Душанбе,  12 апрел. (АМИТ «Ховар», Людмила  Дубинина). – 14 апрел  дар  маркази   ҷумҳуриявии  матбуоти  «Иттилоот ва  муошират» маросими   пешниҳоди  маҷаллаи  нави  «Қазоқистони  қарни  21»  баргузор  мегардад, ки онро Анҷумани журналистони  форсизабони «Афрӯз» бо  дастгирии  молиявии  Сафоратхонаи  Ҷумҳурии  Қазоқистон  дар  Тоҷикистон  нашр  кардааст. Котиби  аввали  сафоратхонаи  Қазоқистон  дар  Тоҷикистон Минор Раханов  хабар  дод, ки  дар  маросими  пешниҳоди  маҷалла  сафири  Қазоқистон  дар  Тоҷикистон  Абӯтолиб  Аҳмадов,   сармуҳаррири  ҳафтаномаи  «Миллат»,  раиси  Анҷумани  журналистони  форсизабон Адолати  Мирзо, кормандони  намояндагиҳои дипломатии  хориҷӣ,  вазорату  идораҳо ва  хабарнигорон  ширкат  меварзанд. Маҷаллаи  «Қазоқистони  қарни  21»  ба  забонҳои  русӣ  ва  форсӣ  чоп  мешавад.  Маҷалла  дар  бораи  ҳаёти  сиёсию  иҷтимоӣ  ва  иқтисодию  фарҳангии  Қазоқистон  нақл  мекунад. Дар  маҷалла  инчунин   дар  бораи  фаъолияти  воситаҳои  ахбори оммавии  Қазоқистон —  аз  ҷумла  радиою телевизион,   интернет,  воситаҳои  ахбори оммавии  электронӣ  низ   маълумоти  ҷолиби  диққат  дода хоҳад шуд.