НИШАСТИ МАТБУОТӢ ДАР «МДХХ»

Душанбе, 28 апрел. (АМИТ «Ховар», Лаззат Диловарзод).- Бино ба иттилои директори «Маркази дастгирии хусусигардонии хоҷагиҳо»                     Т. Остонаев, дар ҷумҳурӣ 7 ноҳияи пилотӣ дар татбиқи лоиҳаҳои «Инкишофи истеҳсолоти  кишоварзӣ ва  идораи ҳавзаи дарёҳо» аз рӯи 3247 зерлоиҳа ба маблағи умумии 9 млн. 936 ҳазору 447 доллари амрикоӣ амал мекунад.   Ноҳияи   Данғара дар вилояти Хатлон, ноҳияҳои Кӯҳистони Мастчоҳ, Панҷакент,Айнӣ дар вилояти Суғд, ноҳияи Ванҷ дар ВМКБ, Тоҷикободу Ҷиргатол   аз рӯи 3 компоненти А-1, А-2, А- 3 ҳамчун ноҳияҳои таҷрибавӣ- (пилотӣ) интихоб гардиданд. Ба гуфти директори лоиҳаи  мазкур, аз оғози амалӣ шудани лоиҳа то имрӯз 14 млн. 125 ҳазор доллари амрикоӣ азхуд карда шудааст, ки он дар бобати дастгирии аҳолии деҳот ҷиҳати таъмини онҳо  ба маҳсулоти кишоварзӣ хуб мусоидат карда тавонист.