«ТОҶИКАГРОЛИЗИНГ» ВА МУШКИЛОТИ ТЕХНИКӢ

Душанбе, 30 апрел.(АМИТ «Ховар», Лазат Диловарзод).- Бино ба маълумоти Агентии омори назди Президенти Ҷумҳурии Тоҷикистон, айни замон дар корхонаҳои кишоварзӣ аз 2888 тракторҳои шудгоркунада 1833 – то ё 63 фоизи онҳо омодаи коранд. Аммо тибқи маълумоти ҳамин манбаъ, ин нишондиҳанда дар корхонаҳои кишоварзии ноҳияҳо боз ҳам камтар аст. Аз ҷумла дар вилояти Хатлон 61 фоизи тракторҳои шудгоркунанда, ноҳияи     Роғун – 29, Файзобод – 41, Ваҳдат — 42,  Турсунзода – 45, Шаҳринав -49 ва дар ноҳияи Тоҷикобод 57 фоизи тракторҳо мавриди истифода мебошанд. Корхонаи воҳиди давлатии «Агролизинг», ки  баҳри кӯмаки хоҷагиҳои деҳқонӣ (фермерӣ) таъсис дода шудааст, дар давоми моҳҳои январ – марти соли ҷорӣ 13 адад трактор, 24 адад испор ва 4 адад комбайн ба ҷумҳурӣ ворид сохтааст, ки  бо ин мушкилоти техникӣ доштаи хоҷагиҳои деҳқонӣ (фермерӣ)-ро ҳал кардан ба гумон аст.