ТОҶИКИСТОН МАРКАЗИ ҲАЛЛИ МАСЪАЛАҲО

Душанбе, 5 апрел. (АМИТ «Ховар», Лаззат Диловарзод).- Бино ба иттилои Маркази матбуоти Вазорати корҳои хориҷии Ҷумҳурии Тоҷикистон, имрӯз котиби Генералии СММ ҷаноби Пан Ги Мун дар доираи сафари худ ба кишварҳои Осиёи Марказӣ вориди Тоҷикистон мегардад. Дар назар аст, ки дар давоми сафари дурӯзаи худ ҷаноби Пан Ги Мун ба Ҷумҳурии Тоҷикистон, бо Президенти кишвар Эмомалӣ Раҳмон вохӯрӣ намуда, масъалаҳои дурнамо ва мушкилоти минтақавӣ,  ҳамчунин иҷрои Мақсадҳои рушди ҳазорсоларо мавриди баррасӣ қарор медиҳанд. Дар ин дидор инчунин масъалаҳои ҳифзи муҳити зист ва масоили Афғонистон низ мавриди назар қарор мегиранд. Ба иттилои ҳамин манбаъ, Котиби Генералии СММ Пан Ги Мун аз рафти сохтмони  НОБ – и «Роғун» ва  кори  нерӯгоҳи «Норак» ва дигар нерӯгоҳҳои дарёи Вахш    дидан ба амал меорад. Тибқи нақша, Котиби Генералии СММ – ро вазири энергетика ва саноат Гул Шералӣ ҳамроҳӣ мекунад.