АМАЛИ КОМИССИЯҲОИ ҶАМЪИЯТӢ

Душанбе, 12 май. (АМИТ «Ховар», Лаззат Диловарзод).- Дар Агентии сохтмон ва меъмории назди ҳукумати ҷумҳурӣ ва идораҳои зертобеи он комиссияҳои ҷамъиятии танзими анъана ва ҷашну маросимҳо амал мекунад, ки дар асоси қонуни ҶТ «Дар бораи танзими анъана ва ҷашну маросимҳо дар Ҷумҳурии Тоҷикистон» таъсис дода шудаанд. Бино ба гуфти директори Агентии сохтмон ва меъморӣ, комиссияҳои ҷамъиятӣ дар асоси нақша – чорабиниҳо корҳои тарғиботиву фаҳмондадиҳӣ,машварат ва сӯҳбатҳо оид ба ҳимояи манфиатҳои иҷтимоӣ, фарҳангӣ, тарбияи худшиносӣ, моҳияти танзими анъана ва ҷашну маросимҳо, гирифтани пеши роҳи хароҷоти зиёдатӣ ҳангоми баргузории маъракаҳо, ки аз тарафи комиссияҳо тартиб дода шудаанд, аз ҳисоби  маблағҳои сарфашудаи маъракаҳо ба кӯдакони бепарастори  мактаб – интернатҳо ва ҷавонони болиғи камбизоат кӯмакҳои моддӣ ва молиявӣ мерасонанд. Кӯмаки то моҳи майи соли ҷорӣ расонидаи Агентии сохтмон ва меъморӣ аз ҳисоби маблағҳои сарфашудаи маъракаҳо ба кӯдакони ноқисулақли мактаб – интернати шаҳри Хуҷанди вилояти Суғд 12 ҳазору 250 сомониро ташкил дод.