БОРОНИ ШАДИД ДАР КӮЛОБ

Душанбе,  7 май. (АМИТ «Ховар», Кристина  Эрлих ). —   Шаби  7  май  дар  ҳудуди  ноҳияҳои  Темурмалик, Мӯъминобод  ва  шаҳри  Кӯлоб  борони шадид борид.  Дар натиҷа  сел ва  ярч  фуромада,  замини  бисёр  хоҷагиҳоро  зер  кард.  Аз  ҷумла, бар  асари боришҳои тӯлонӣ  дар  шаҳри  Кӯлоб  100 хона  зери об монд,  се  кӯдак  ҳалок  шуд.  Дар  деҳаи Деҳи  баланди  ноҳияи  Мӯъминобод  як  хона  пурра  ва хонаи дигар  қисман  валангор  шуд. Дар  деҳаи  Балхобӣ бештар  аз 15  хона осеб  дид. Мухбири  АМИТ «Ховар»  хабар  медиҳад, ки барои бартараф  сохтани  оқибати  фалокат  ситоди  Кумитаи  ҳолатҳои  фавқулодда  ташкил  карда шуд.