МУЛОҚОТИ ПРЕЗИДЕНТИ ТУРКМАНИСТОН БО ҲАМРОХОН ЗАРИФӢ
Душанбе, 25 июн. (АМИТ «Ховар», Фарангис Раҳимова). — Президенти Туркманистон Қурбонгулӣ Бердимуҳаммадов 24 июн бо вазири корҳои хориҷии Тоҷикистон Ҳамрохон Зарифӣ мулоқот кард, ки бо супориши Президенти мамлакат Эмомалӣ Раҳмон барои иштирок дар Конфронси байналмилалии намояндагони давлатҳои Осиёи Марказӣ ва ҳавзаи Баҳри Хазар бахшида ба масъалаҳои халъи силоҳ ба шаҳри Ашқобод рафтааст. Мухбири АМИТ «Ховар» хабар медиҳад, ки зимни мулоқот роҷеъ ба вазъияти имрӯза ва нақшаҳои ояндаи муносибатҳо ва ҳамкории Тоҷикистону Туркманистон табодули назар карда шуд. Бояд гуфт, ки ҳамкории Тоҷикистону Туркманистон тӯли солҳои охир босуръат густариш меёбад. Г.Бердимуҳаммадов ва Ҳ.Зарифӣ масъалаҳои равнақу ривоҷи ҳамкориро дар соҳаҳои нақлиёт, алоқа, истеҳсоли қувваи барқ, сӯзишворӣ ва ғайра муҳокима намуданд. Зимни баррасии масъалаи таъмини амнияти минтақа таъкид шуд, ки конфронси Ашқобод барои муқаррар намудани роҳу усулҳои нави ҳалли проблемаҳои мавҷудаи Осиёи Марказӣ иқдоми муҳим хоҳад гашт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
