НАМОИШГОҲИ “ОБ БАРОИ ҲАЁТ”

Душанбе, 8 июн.(АМИТ “Ховар”, Марзия Саидова).- 8 июн дар доираи баргузории конфронси байналмилалии сатҳи баланд оид ба фарогири миёнамуддати рафти татбиқи Даҳсолаи  байналмилалии “Об барои ҳаёт” 2005-20015 дар муҷтамеи давлатии “Кохи Борбад”-и пойтахт намоишгоҳи “Об барои ҳаёт” баргузор шуд, ки аз он Президенти Ҷумҳурии Тоҷикистон Эмомалӣ Раҳмон,  ҳайатҳои баландпоя ва  иштирокдорони конфронси байналмилалӣ дидан намуданд. Дар намоишгоҳ дастовардҳо ва донишҳои муосири инсоният дар масъалаи истифодаи самараноки об,таъмини аҳолии саёра бо оби тоза, ки ба амалӣ гардидани Рушди  ҳадафҳои ҳазорсола мусоидат менамояд, ба маърази тамошо гузошта шуда буд. Инчунин, дар чаҳорчӯбаи конфронси байналмилалӣ  Даҳсолаи байналмилалии “Об барои ҳаёт” 7 июн дар “Кохи Борбад”-и пойтахт намоишгоҳи дастовардҳои иқтисодию иҷтимоӣ ва кишоварзии Ҷумҳурии Тоҷикистон ба маърази тамошо гузошта шуда буд.