СОХТМОНИ НЕРӮГОҲИ ХУРДИ БАРҚӢ ДАР НОҲИЯИ АЙНӢ

Душанбе,  1 июн. (АМИТ «Ховар», Кристина  Эрлих ). —  Давлат  ва  Ҳукумати  Тоҷикистон ба  масъалаи  сохтмони  нерӯгоҳҳои  хурди  барқӣ  дар  минтақаҳои  гуногуни  мамлакат  аҳамияти  махсус  медиҳанд. Аз  дафтари  матбуоти  ширкати  саҳҳомии «Барқи  тоҷик»  ба  АМИТ «Ховар»  хабар  доданд, ки  айни  ҳол  дар  ноҳияи  Айнӣ   сохтмони  нерӯгоҳи  хурди барқии  «Марзич»  давом дорад. Тибқи  нақша  сохтмони   нерӯгоҳ  то  охири  сол  анҷом  меёбад. Иқтидори  лоиҳавии  он   4 мегаватт  мебошад, ки  ин ба  96  ҳазор  киловатт — соат  баробар  аст. Ин  имкон  медиҳад, ки   аҳолӣ,  корхонаю  муассиса  ва ташкилотҳои  маркази  маъмурии  ноҳияи  Айнӣ  бо  қувваи барқ  пурра  таъмин  карда  шаванд. Аз  рӯи  маълумоти  Ширкати  саҳҳомии  «Барқи  тоҷик»  соли 2009 дар  мамлакат  50 нерӯгоҳи  хурди  барқӣ  сохта  шудааст.