БАРГУЗОРИИ ЯРМАРКА ДАР ШАҲРИ РОҒУН

Душанбе, 22 июл. (АМИТ «Ховар», Лаззат Диловарзод).- Бино ба маълумоти маркази матбуот ва иттилооти Вазорати кишоварзӣ, бо мақсади амалӣ намудани супориши Ҳукумати Ҷумҳурии Тоҷикстон аз 10 – уми апрели соли 2010 «Дар бораи ташкил ва гузаронидани ярмаркаҳои фурӯши маҳсулоти кишоварзӣ» ҳар ҳафта дар шаҳри Роғун ярмарка- фурӯши маҳсулоти кишоварзӣ доир мегардад. Дар ярмаркае, ки бо  ибтикори Вазорати кишоварзӣ дар шаҳри Роғун доир карда шуд, хоҷагиҳои кишоварзии ноҳияҳои Турсунзода, Ваҳдат, Шаҳринав, Ҳисор, корхонаҳои воҳиди давлатии «Моҳии Тоҷикистон», «Паррандапарвар» ва «Асали Тоҷикистон» ба миқдори 350 тонна гӯшт, 9600 кг картошка, 11 ҳазору 100 кг пиёз, 6150 кг бодиринг, 20 ҳазору 800 дона тухм нисбат ба нархи бозор 20 – 30 фоиз арзон ба фурӯш бароварданд. Чунин ярмаркаҳо дар шаҳри Роғун ҳар ҳафта то моҳи декабр аз  тарафи шаҳру ноҳияҳои ҷумҳурӣ гузаронида мешаванд.