МУЛОҚОТИ Ҳ.ЗАРИФӢ БО САФИРИ ТУРКМАНИСТОН
Душанбе, 2 июл. (АМИТ «Ховар», Фарангис Раҳимова). — Вазири корҳои хориҷии Тоҷикистон Ҳамрохон Зарифӣ 1 июл бо хоҳиши сафири Туркманистон дар Ҷумҳурии Тоҷикистон Нӯкаргулӣ Отагулиев бо ӯ мулоқот кард. Мусоҳибон роҷеъ ба масъалаҳои муҳими марбут ба муносибатҳои дуҷонибаи Тоҷикистону Туркманистон табодули назар намуданд. Қайд карда шуд, ки ҳамкории ҳар ду кишвар дар соҳаҳои тиҷорату иқтисод, нақлиёту алоқа, фарҳанг ва ғайра сол то сол густариш меёбад. Барои равнақу ривоҷи ҳамкорӣ иҷрои аҳду паймонҳои сарони ҳар ду давлат ва истифодаи имкониятҳои ҳар ду мамлакат нақши муҳим мебозанд. Ҳамрохон Зарифӣ ва Нӯкаргулӣ Отагулиев ба масъалаҳои таҳкими заминаи қонунии ҳамкории кишварҳояшон диққати ҷиддӣ доданд. Қайд карда шуд, ки мувофиқи барномаи ҳамкории вазоратҳои корҳои хориҷии Тоҷикистону Туркманистон барои солҳои 2010 – 2011 дар давоми соли равон дар Ашқобод ва Душанбе машваратҳои намояндагони вазоратҳои ҳар ду мамлакат гузаронида мешаванд. Зимни мулоқот инчунин ба масъалаҳои муҳимтарини байналхалқию минтақавӣ дахл карда шуд.
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
