ТАНЗИМИ НАРХУ НАВО ДАР МОҲИ ШАРИФИ РАМАЗОН

Шаҳраки Сомониён,13 август. ( АМИТ «Ховар», Ҳотам Рабиев).-12 август дар мақомоти  иҷроияи ҳокимияти  давлатии ноҳияи  Рӯдакӣ  ҷаласаи   махсус доир гардид. Дар кори он  имомхатибони   масҷидҳо, раисони маҳаллаҳо,  раисони ҷамоат, умуман фаъолони  ноҳия иштирок намуданд. Ҷаласа  таҳти раёсати  муовини аввали  раиси ноҳияи Рӯдакӣ  Маҳмадраҳим  Юсуфов  баргузор гардид.    Дар ҷаласа  муовини аввали  раиси Кумита оид ба  корҳои дин Ҷумъахон Ғиёсов ва  сардори раёсати  танзими ҷашну маросимҳо Одинашо Муродов ширкат намуда, таъкид карданд,ки соҳибкорону савдогарони бозорҳои ноҳия  дар моҳи  шарифи рамазон  нархи  маводи хӯроквориро  баланд набардоранд.. Шахсони  доро ба мардуми  камбизоат  кӯмаки  ҳаматарафа расонанд.