«ОРМОНҲО» ДАР «КОХИ ҶОМӢ»

Душанбе, 6 сентябр. (АМИТ «Ховар», Дилшодаи Ҷонмард).- 7 сентябри соли равон дар «Кохи Ҷомӣ» нахустнамоиши филми нав  таҳти унвони «Ормонҳо» баргузор мегардад. Муаллиф ва коргардони филм Муҳиддин Ҷӯраев, продюсер Ғайрат Қодиров, рассом Ғуфрон Собиров мебошанд.   Дар таҳияи филм 90 ҳазор сомонӣ маблағ сарф шудааст. Филми мазкур дар муддати 9 моҳ дар шаҳри Конибодоми  вилояти Суғд ба навор гирифта шуда, давомнокии он 100 дақиқаро ташкил медиҳад.  Дар филм масъалаҳои муҳоҷирати меҳнатӣ, худкушӣ, қонуншиканӣ ва тарбияи нодурусти фарзандон дар оила нишон дода шудаанд.