ҲАЙАТИ НАВИ РАЁСАТИ АКАДЕМИЯ ИНТИХОБ ШУД

        Душанбе, 13 октябр.(АМИТ «Ховар», Марзия Саидова).- Дар шаҳри Душанбе маҷлиси умумии Академияи илмҳои Ҷумҳурии Тоҷикистон баргузор шуд.        Дар маҷлис натиҷаҳои  асосии фаъолияти  илмиву ташкилии Раёсати Академияи илмҳои  Ҷумҳурии Тоҷикистон аз соли 2005 то соли 2010 баррасӣ гардид. Роҷеъ ба ин масъала президенти Академияи илмҳои ҷумҳурӣ Мамадшо Илолов маърӯза кард.         Ҳамзамон, дар маҷлис ба бандҳои  23, 28, 29, 36, 37, 39 ва 46 –и Оинномаи  амалкунандаи Академияи илмҳои ҷумҳурӣ тағйиру иловаҳо ворид карда шуд. Инчунин, ҳайати нави Раёсати Академияи илмҳои Ҷумҳурии Тоҷикистон дар ҳайати 9 нафар интихоб шуд.