ҲАМОИШИ ОМӮЗИШИ МЕЪЁРҲОИ РӮЗНОМАНИГОРӢ

Душанбе, 13 октябр. (АМИТ «Ховар», Дилшодаи Ҷонмард).-15 октябри соли равон дар Институти бритониёии тафсири ҷанг ва сулҳ маросими муаррифии дастурамалҳои таълимӣ-амалӣ дар бораи рӯзноманигорӣ ва  робита бо ҷомеа баргузор мегардад. Дар ҳамоиш асосан се дастурамали комилан нав  пешкаши иштирокчиён  гардонида мешавад: «Коммуникатсияҳои самаранок», «Инъикоси ҳуқуқҳои инсон» ва «Дастурамал барои рӯзноманигорони маҳаллӣ дар манотиқи бӯҳронӣ таҳти унвони «Гузоришҳо ба хотири дигаргуниҳо», ки нахустин бор  ба забони тоҷикӣ тарҷума шудааст. Дар ин дастур асосан дар бораи меъёрҳои журналистикаи  байналмилалӣ навишта шудааст ва он роҳнамои хубест барои рӯзноманигорони ҷавон. Мақсад аз баргузории ин ҳамоиш ба меъёрҳои журналистикаи байналмиллалӣ мутобиқ намудани фаъолияти рӯзноманигорони ватанӣ мебошад.