МАОШ НИСБАТ БА СОЛИ 2009 12,0 % АФЗУДААСТ

      Душанбе, 25 октябр. (АМИТ «Ховар», Мавҷуда Анварӣ).-Бақайдгирии кӯдакони навзод, ашхоси фавтида ва муҳоҷирати аҳолӣ, шумораи аҳолӣ то 1-уми июли соли ҷорӣ 7594,5 ҳазор нафарро ташкил дод. Шумораи аҳолии дар иқтисодиёт фаъол аз рӯи баҳои пешакӣ дар моҳи августи соли ҷорӣ 2151, 2 ҳазор нафарро ташкил дод, ки аз ҷумлаи онҳо 97,7 фоиз дар соҳаҳои иқтисодиёт машғуланд ва 48,5 ҳазор нафар расмӣ мақоми бекорро гирифтаанд, ки 2,3 фоизи аҳолии дар иқтисодиёт фаъолро ташкил медиҳанд. Шумораи ҷойҳои холии корӣ, ки корхонаҳо ба хадамоти шуғли аҳолӣ муроҷиат карданд, дар охири моҳи августи соли 2010 нисбат ба ҳамин давраи соли 2009 7,0 фоиз кам шуда, 12,8 ҳазор ҷойро ташкил намуд. Аз рӯи касбҳои коргарӣ 1,5 фоиз кам шуда, 4,9 ҳазор ҷойро ташкил кард. Нисбат ба моҳи августи соли 2009 музди кор 12,0 фоиз афзудааст. Музди ҳадди ақал дар ҷумҳурӣ 80 сомониро ташкил дод. Аз аввали соли 2010 нарху таърифаи хизмати пулакие, ки ба аҳолӣ расонида мешавад, умаман 5,3 фоиз қиммат шудааст, аз он ҷумла пардохти маблағи телефони хонагӣ 76,9 фоиз, хизматрасонии муассисаҳои санаторӣ-истироҳатӣ ва беҳдошт 25,2 фоиз, қувваи барқ 20 фоиз, чиптаҳои нақлиёти роҳи оҳан 19,6 фоиз, хизматрасонии сартарошхонаҳо 7,9 фоиз, хизматрасонии обтаъминкунӣ 7,5 фоиз қиммат шудааст. Дар ин бора Бахтия Муҳаммадиева-директори Агентии омори назди Президенти ҶТ зимни нишаст ба хабарнигорони ВАО хабар дод.