ВОЛЕЙБОЛ ДАР МАЙДОНИ ВАРЗИШИИ КӮЛОБ

Кӯлоб, 11  октябр (АМИТ ”Ховар”, Сулаймон Холов).- Бахшида ба ҷашни 20 солагии Истиқлолияти ҶТ ва 63-солагии корманди шоистаи варзиш Маҳмадалӣ Назаров дар майдони варзишии шаҳри Кӯлоб мусобиқаи волейбол баргузор гардид. Дар ин мусобиқа 9 дастаи варзишгарони ноҳияҳои минтақаи Кӯлоб ширкат варзиданд. Дар мусобиқаи мазкур дастаи Кӯлоб-1, Кӯлоб-2, деҳаҳои Калот, Чапаев, ноҳияҳои  Мӯъминобод, Ҳамадонӣ, Данғара ва Восеъ бо ҳам қувваозмоӣ намуданд. Ҷойи аввал ба дастаи Кӯлоб-1, ҷойи дуюм ба тими Кӯлоб-2 ва ҷойи сеюм ба командаи Мӯъминобод сазовор дониста шуд. Ғолибони мусобиқа аз тарафи бахши ҷавонон варзиш ва сайёҳии шаҳри Кӯлоб бо ифтихорнома ва тӯҳфаҳо қадрдонӣ шуда, Мирзо Таваров, раиси ҷамъияти «Ҳосилот»-и ноҳияи Мӯъминобод беҳтарин бозингар дониста шуд.