МАБЛАҒИ ЗАРАР ПӮШОНИДА ШУД

Душанбе, 9 ноябр. (АМИТ «Ховар», Лаззат Диловарзод).- Бо мақсади иҷрои барномаи паст кардани сатҳи камбизоатӣ ва таъмини амнияти озуқавории кишвар, соли 2010 ба бӯҳрони молиявӣ ва мушкилиҳои  вазъи  ҳаво нигоҳ накарда, кишоварзони ноҳияи Ваҳдат дар майдони 16 ҳазору 944 га кишти тирамоҳӣ ва баҳорӣ гузаронида, ҳосили фаровон ба даст оварданд.             Офатҳои табиии баҳори имсола ба 533 га майдони гандумзор, 7 га пиёзи бехӣ, 51 га нахӯд, 55 га зағир, 38 га ҷав, 257 га боғ ва 333 га токзор зарари ҷиддӣ расонид, ки маблағи  он 3 млн. 6783 ҳазор сомониро ташкил дод.             Бо мақсади пӯшонидани зарари ба хоҷагиҳо расида  майдони 6 ҳазору 200 га такроран кишт шуд. Дар ҷамъбасти «Ҳосил —  2010»   кишоварзони ноҳия ба маблағи 267 млн. 646 ҳазор сомонӣ маҳсулот   истеҳсол намуданд, ки нисбат ба соли 2009  9 млн. 500 ҳазор сомонӣ зиёд аст,-  хабар доданд аз  Раёсати кишоварзии ноҳияи Ваҳдат  ба мухбири АМИТ «Ховар».