БОЛТУЕВ БА НАМОЯНДАГОНИ САҲА ЧӢ ГУФТ?
Душанбе, 6 декабр.(АМИТ «Ховар», Марзия Саидова).- Масъалаҳои тавсеаи ҳамкории Ҷумҳурии Тоҷикистон бо Институти демократия ва ҳуқуқи инсони Созмони амнияту ҳамкории Аврупо зимни мулоқоти Раиси Комиссияи марказии интихобот ва раъйпурсии ҷумҳурӣ Мирзоалӣ Болтуев бо роҳбари ҳайати Институти мазкур Дауглас Вейк дар Душанбе баррасӣ гардид. Мусоҳибон доир ба афзалиятнокии гузаронидани интихоботи шаффофу демократӣ ибрози назар карданд. Зикр шуд, ки Институти демократия ва ҳуқуқи инсони САҲА дар мавриди гузаронидани интихобти шаффоф дар кишварҳои дунё кӯмак расонида, аз натиҷаҳои он пешниҳоду тавсияҳои самарабахш ироа месозад. Мирзоалӣ Болтуев доир ба натиҷаҳо ва афзалиятнокии интихоботи парлумонии Ҷумҳурии Тоҷикистон, ки моҳи феврали сол 2010 баргузор шуд, ибрози назар карда афзуд, ки интихобот дар доираи меъёрҳои қонунгузории Ҷумҳурии Тоҷикистон ва дигар санадҳои байналмилалие, ки Тоҷикистон онро эътироф кардааст, доир гардид. Мавсуф афзуд, ки имрӯз ҷомеаи Тоҷикистон новобаста ба бӯҳрони ҷаҳонии молиявӣ ба комёбиҳои назаррас ноил гашта истодааст. Рушди бемайлони иқтисодию иҷтимоӣ, баланд гардидани афкори сиёсии ҷомеа, озодии сухан худ шаҳодати густариши равандҳои демократӣ дар ҷомеаи Тоҷикистон аст. Дар назар аст, ки Ҷумҳурии Тоҷикистон то интихоботи оянда қисман ба системаи электронӣ гузарад. Дар ҷараёни мулоқот намояндагони Институти демократия ва ҳуқуқи инсони САҲА доир ба такмили қонунгузории Ҷумҳурии Тоҷикистон дар мавриди баргузории интихоботи шаффоф пешниҳоди худро баён карданд. Зикр шуд, ки Институти демократия ва ҳуқуқи инсони САҲА дар мавриди гузаронидани интихоботи минбаъда дар Ҷумҳурии Тоҷикистон кӯмаки худро мерасонад. Ҷонибҳо ҳамзамон масъалаҳои дигари тавсеаи ҳамкории судмандро дар мавриди гузаронидани интихоботи шаффоф баён карданд. Мавриди зикр аст, ки ҳайати намояндагони Институти демократия ва ҳуқуқи инсони САҲА бо мақсади муаррифии натиҷаҳои интихоботи парлумонии Тоҷикистон, ки 10 моҳ қабл баргузор гардида буд, ба Душанбе ташриф овардаанд.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
