12 ҲУНАРМАНДИ САНГҲОИ ОРОИШЇ ДАР ТОҶИКИСТОН

    Душанбе, 28 январ. (АМИТ «Ховар», Лаззат Диловарзод).- Дирӯз дар Муассисаи давлатии «Маркази таълими калонсолони Тоҷикистон» (МТКТ) – и Вазорати меҳнат ва ҳифзи иҷтимоии аҳолї маросими бо тантана супоридани шаҳодатномаи касбазхудкунї ба 12 нафар хатмкунандагони гурӯҳи дуюми курсҳои омӯзиши тароши сангҳои ороишї баргузор гардид.   Боиси тазаккур аст, ки курси тароши сангҳои ороишї дар муассисаи номбурда бо мадад ва ҳамкории Кумитаи имдоди Имом Хумайнии Ҷумҳурии Исломии Эрон (ҶИЭ) соли 2007 таъсис ёфт ва соли 2010 27 нафар шаҳрвандони Тоҷикистон соҳиби ҳунари санг тарошӣ гардиданд.    Дирӯз дар ҳузури раиси Кумитаи имдоди Имом Хумайнии ҶИЭ дар Тоҷикистон оғои Раззавї, намояндаи сафорати ҶИЭ дар Ҷумҳурии Тоҷикистон оғои Некпур ва устоди таълим оғои Пешбин, директори муассисаи мазкур А. Фаромӯзов ба 12 нафар хатмкунандагони гурӯҳи дуюми курсҳои омӯзиши тароши сангҳои ороишї шаҳодатномаи касбазхудкунї супорида, онҳоро барои соҳиби касби нодир ва бозоргир шуданашон табрик намуд.