БО ДАСТГИРИИ БОНКИ РШДИ ОСИЁ
Душанбе, 6 январ. (АМИТ «Ховар», Лаззат Диловарзод).- Бино ба гуфти намояндаи доимии Бонки Рушди Осиё (БРО) дар Ҷумҳурии Тоҷикистон Ҷоҷи Токешӣ, соли ҷорӣ БРО маблағгузориро барои сохтмони ду хати барқи 220 кВолта дастгирӣ менамояд. Сухан дар бораи сохтмони хати барқи 220 кВт-и Қайроққум – Ашт ва Геран — Румӣ меравад, ки 140 км дарозӣ доранд. Сохтмони ин ду хати барқи 220 кВт дар асоси лоиҳаи минтақавӣ амалӣ мегардад, ки он аз ҷониби БРО соли 2010 дар ҳаҷми 122 млн. доллари амрикоӣ, ки маблағи грантӣ мебошад, дастгирӣ ёфтааст. Ғайр аз ин, лоиҳа як қатор ислоҳотро оид ба дастгирии ШСХК «Барқи тоҷик» вобаста ба хати интиқоли барқи «Сангтӯда -1» — Пули Хумрӣ -и Ҷумҳурии Исломии Афғонистон дастгирӣ менамояд, ки амалан дар ҳудуди Ҷумҳурии Тоҷикистон анҷом ёфта, дар ҳудуди ҶИА то моҳи майи соли ҷорӣ ба анҷом мерасад. Агар корҳо тибқи нақша анҷом ёбанд, тобистони соли ҷорӣ содироти барқи Тоҷикистон ба Ҷумҳурии Исломии Афғонистон тавассути ин хати 220 кВт пурра ба роҳ монда мешавад,- иброз дошт Ҷ. Токешӣ дар конфронси матбуотӣ ба хабарнигорон.
ҶАМЪБАСТИ НИШАСТҲОИ МАТБУОТӢ. 8 август дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
